ਰਿਸ਼ਤੇ ਘਰਾਂ ਵਾਂਗ ਹੁੰਦੇ ਨੇ

ਕਦੇ ਨਵੀਂ ਉਸਾਰੀ ਕਰਦੇ ਹਾਂ
ਕਦੇ ਪੱਕੀਆਂ ਨੀਹਾਂ ਧਰਦੇ ਹਾਂ
ਬਾਰਿਸ਼ ਵਿੱਚ ਚੋਂਦੀਆਂ ਛੱਤਾਂ ਦੀ
ਹਰ ਰੋਜ਼ ਮੁਰੰਮਤ ਕਰਦੇ ਹਾਂ
ਬੋਦੇ ਹੋਏ ਛਤੀਰਾਂ ਥਾਈਂ
ਨਵੇਂ ਬਾਲੇ-ਬਾਲੀਆਂ ਧਰਦੇ ਹਾਂ
ਜੱਗ ਨੂੰ ਖੁਸ਼ਹਾਲ ਵਿਖਾਉਣ ਲਈ
ਸਾਲੋ ਸਾਲ ਅਸਾਹ
ਰੰਗ ਕਰਦੇ ਹਾਂ
ਵਿਹੜੇ ਵਿੱਚ ਪਏ ਟੋਇਆਂ ਨੂੰ
ਮਿੱਟੀ ਪਾ ਕੇ ਭਰਦੇ ਹਾਂ
ਕਦੇ ਨਵੀਂ ਉਸਾਰੀ ਕਰਦੇ ਹਾਂ
ਕਸੇ ਪੱਕੀਆਂ ਨੀਹਾਂ ਧਰਦੇ ਹਾਂ
ਖੜ੍ਹੀ ਰਹੇ
ਮੇਰੇ ਰਿਸ਼ਤੇ ਦੀ ਇਮਾਰਤ
ਸਾਰੀ ਉਮਰ ਇਹ ਕੋਸ਼ਿਸ਼ ਕਰਦੇ ਹਾਂ...

ਅਜੀਤ ਸਤਨਾਮ ਕੌਰ
ਜੁਲਾਈ 2014