ਜ਼ਿੰਦਗ਼ੀ ਮੇਰੀ ਜਿਵੇਂ ਵੀ ਬਸਰ ਹੋ ਗਈ
ਅੱਖ ਲੱਗੀ ਵੀ ਨਾ ਸੀ ਕਿ ਸਹਰ ਹੋ ਗਈ
ਜ਼ਿੰਦਗੀ ਮੇਰੀ.....

ਇੱਕ ਪਲ ਵੀ ਨਾ ਮਿਲਿਆ ਸਕੂਨ ਦਾ ਮੈਨੂੰ
ਰਾਤ ਕੰਡਿਆਂ ‘ਤੇ ਜਿਵੇਂ ਬਸਰ
ਹੋ ਗਈ

ਸੰਗ ਜ਼ਿੰਦਗੀ ਦੇ ਮੈਂ ਇੰਜ ਟੁਰਦੀ ਰਹੀ
ਮੈਂ ਓਥੇ ਰਹੀ, ਉਹ ਕਿੱਧਰ ਹੋ ਗਈ

ਜਦ ਤੱਕਿਆ ਮੈਂਨੂੰ ਤੂੰ ਵਿੱਛੜਦੇ ਹੋਇਆਂ
ਜਦ ਵੀ ਯਾਦ ਆਇਓਂ ਅੱਖ ਮੇਰੀ ਤਰ ਹੋ ਗਈ

ਅਸੀਂ ਚੋਰੀ-ਚੋਰੀ ਪਿਆਰ ਕੀਤਾ ਤੈਨੂੰ
ਜ਼ਮਾਨੇ ਨੂੰ ਕਿੰਜ ਫ਼ਿਰ ਖ਼ਬਰ ਹੋ ਗਈ

ਰਾਤ ਲੰਘਦੀ ਗਈ, ਆਸ ਬੁਝਦੀ ਗਈ
ਇਸ ਆਸ ਵਿੱਚ ਫ਼ਿਰ ਸਹਰ ਹੋ ਗਈ

ਮਿਲਿਆ ਜਦ ਤੇਰੇ ਜਿਹਾ 'ਅਸਕ' ਨੂੰ
ਜ਼ਿੰਦਗ਼ੀ ਖ਼ੂਬਸੂਰਤ ਹੋ ਗਈ....

ਅਜੀਤ ਸਤਨਾਮ ਕੌਰ
 ਅਕਤੂਬਰ 2015