ਭੇਜਿਆ ਹੈ, ਲੇਖੇ-ਜੋਖੇ ਦੀ ਦੇ ਕੇ ਕਿਤਾਬ ਤੈਨੂੰ
ਪਰ ਚਹਿਕਦਾ ਫ਼ਿਰਦਾ ਹੈਂ, ਆਕੇ ਜਹਾਨ ‘ਤੇ
ਭੁੱਲਿਆ ਫਿਰਦਾ, ਆ ਕੇ ਇਸ ਜਹਾਨ ‘ਤੇ
ਭੇਜਿਆ ਹੈ, ਲੇਖੇ-ਜੋਖੇ ਦੀ, ਦੇ ਕੇ ਕਿਤਾਬ ਤੈਨੂੰ

ਪੰਜੇ ਚੋਰਾਂ ਦਾ, ਮੋਹਤਾਜ ਹੈਂ ਤੂੰ
ਕਦੇ ਨਵਾਬ, ਕਦੇ ਸਰਤਾਜ ਹੈਂ ਤੂੰ
ਠੱਗ ਲੈਂਦੇ ਨੇ, ਝੂਠੇ ਦੇ ਕੇ ਖਿਤਾਬ ਤੈਨੂੰ
ਭੇਜਿਆ ਹੈ ਲੇਖੇ......

ਹਰ ਰਿਸ਼ਤੇ, ਹਰ ਸ਼ੈਅ ਦਾ, ਰੱਖਦਾ ਸੀ, ਜੋੜ-ਤੋੜ ਤੂੰ
ਬੜਾ ਸਿੱਧਾ, ਰਸਤਾ ਸੀ, ਭੇਜਿਆ ਤੈਨੂੰ
ਆਪਣੀ ਮੱਤ, ਨਾਲ ਲਿਆ ਹੈ ਮੋੜ ਤੂੰ
ਦੇਣਾ ਪੈਣਾ ਹੈ, ਇਸ ਦਾ ਵੀ ਹਿਸਾਬ ਤੈਨੂੰ
ਭੇਜਿਆ ਹੈ ਲੇਖੇ......... ...

ਮੁੱਕਿਆ ਜਦੋਂ ਤੇਰਾ ਸਫ਼ਰ, ਤੇ ਜਾਣਗੇ ਤੇਰੇ ਪਰਚੇ
ਮੇਰੇ ਦਿੱਤੇ ਅਨਮੋਲ ਸਾਹ, ਤੂੰ ਹੈਂ ਕਿ ਕਿੱਥੇ ਖ਼ਰਚੇ
ਇਸ ਸਵਾਲ ਦਾ ਪਿਆਰੇ,
ਫੇਰ ਆਉਣਾ ਨਾ ਕੋਈ ਜਵਾਬ ਤੈਨੂੰ
ਭੇਜਿਆ ਹੈ ਲੇਖੇ-ਜੋਖੇ ਦੀ
ਦੇ ਕੇ ਕਿਤਾਬ ਤੈਨੂੰ...!!

8.12.2013