ਨਜ਼ਰ ਜਿਸ ਨੂੰ ਤਰਸਦੀ ਏ
ਓਹੀ ਚਿਹਰਾ ਨਹੀਂ ਮਿਲਦਾ
ਉਂਜ ਤੇ ਮਿਲਦੇ ਨੇ ਹਜ਼ਾਰਾਂ
ਕੋਈ ਤੇਰੇ ਜਿਹਾ ਨਹੀਂ ਮਿਲਦਾ

ਵੇਖ ਸੂਰਤ ਸੰਵਰਦੇ ਨੇ ਜਹਾਂ ਵਾਲੇ
ਮੈਨੂੰ ਕਿਉਂ ਆਈਨਾ ਨਹੀਂ ਮਿਲਦਾ

ਜਾਪਦੇ ਸਭ ਹੰਢਾਉਂਦੇ ਦੁੱਖ ਆਪਣਾ
ਬਾਝੋਂ ਤੇਰੇ ਕੋਈ ਹੱਸਦਾ ਨਹੀਂ ਮਿਲਦਾ

ਮੁਮਕਿਨ ਨਹੀਂ ਲਵਾਂ ਆਗੋਸ਼ ‘ਚ ਤੈਨੂੰ
ਬਦਕਿਸਮਤ ਇੰਜ ਦਾ ਕੋਈ ਸੁਫ਼ਨਾ ਨਹੀਂ ਮਿਲਦਾ

ਬੇਸ਼ਕ ਸਜ਼ ਕੇ ਰੋਜ਼ ਖੜ੍ਹੀ ਹੁੰਦੀ ਹਾਂ ਓਸ ਦੇ ਰਾਹ ਵਿੱਚ
ਬੁਲਾਵਾਂ ਕਿਉਂ ਜੇ ਉਹ ਖ਼ੁਦ
ਨਹੀਂ ਮਿਲਦਾ

ਕਿਸ ਨੂੰ ਵੇਖਾਂ, ਚਾਹਾਂ ਜਾਂ ਆਪਣਾ ਸਮਝ ਲਾ ਮੈਂ
ਜਹਾਂ ਦੀ ਭੀੜ ਵਿੱਚ ਮੈਨੂੰ ਕੋਈ ਆਪਣਾ ਨਹੀਂ ਮਿਲਦਾ....

ਅਜੀਤ ਸਤਨਾਮ ਕੌਰ
ਜੁਲਾਈ 2014