ਇਹ ਤੇਰੇ ਸੁਆਗਤ ਦੀਆਂ ਘੜ੍ਹੀਆਂ
ਮੈਂ ਸੱਦਾ ਦੇ ਕੇ ਬੁਲਾਈਆਂ ਅੜਿਆ
ਮੈਂ ਘਰ ਸਜਾਉਣ ਲਈ ਲਾਈਆਂ ਲੜੀਆਂ
ਮੈਂ ਸੱਦਾ ਦੇ ਕੇ ਬੁਲਾਈਆਂ ਅੜਿਆ

ਰੰਗੋਲ਼ੀ ਬਣਾਵਾਂ, ਦੀਵੇ ਲਾਵਾਂ
ਸੁਝਦਾ ਕੁਝ ਨੀ ਕਿਵੇਂ ਸਜਾਵਾਂ
ਤੇਰੇ ਰਾਹਾਂ ‘ਚ ਸੰਗਤਾਂ ਖੜ੍ਹੀਆਂ
ਇਹ ਤੇਰੇ ਸੁਆਗਤ ਦੀਆਂ ਘੜ੍ਹੀਆਂ...

ਮਾਤ-ਪਿਤਾ ਬਣ ਦਿਤਾ ਬਹੁਤ ਪਿਆਰ
ਕਿੰਜ ਕਰਾਂ ਸ਼ੁਕਰਾਨਾ,
ਝੋਲ਼ੀ ਪਾਇਆ ਲਾਲ ਸੌਗਾਤ
ਨੱਚ-ਨੱਚ ਮੈਂ ਮਨਾਵਾਂ ਲੋਹੜੀਆਂ
ਇਹ ਤੇਰੇ ਸੁਆਗਤ ਦੀਆਂ ਘੜ੍ਹੀਆਂ...

ਮੈਂ ਵੀਰਾਂ ਦੀ ਭੈਣ ਪਿਆਰੀ
ਮਾਂ-ਪਿਓ ਦੀ ਬੇਟੀ ਸਾਂ
ਕਿਸੇ ਦੇ ਮੈਂ ਮਹਿਲਾਂ ਬੈਠੀ
ਅੱਜ ਬਣੀ ਇੱਕ ਲਾਲ ਦੀ ਮਾਂ
ਲਾਲ ਨੂੰ ਵੇਖਾਂ, ਖਿੜ-ਖਿੜ ਹੱਸਾਂ
ਪੁਸ਼ਾਕਾਂ ਪੁਆਵਾਂ ਮੋਤੀਆਂ ਜੜੀਆਂ
ਇਹ ਤੇਰੇ ਸੁਆਗਤ ਦੀਆਂ ਘੜ੍ਹੀਆਂ...

ਸਖੀਓ ਮੇਰੀ ਹੈ ਅਰਜੋਈ
ਦੇਣਾ ਆ ਕੇ ਲਾਲ ਨੂੰ ਪਿਆਰ
ਸੰਗਤਾਂ ਵਿੱਚ ਮੈਂ ਸਾਹਿਬ ਵੇਖਾਂ
ਸੰਗਤਾਂ ਬੁਲਾਵਾਂ ਬਾਰੰ-ਵਾਰ
ਤੱਕਣ ਲਾਲ ਨੂੰ ਅਰਸ਼ਾਂ ਤੋਂ ਪਰੀਆਂ
ਇਹ ਤੇਰੇ ਸੁਆਗਤ ਦੀਆਂ ਘੜ੍ਹੀਆਂ...

ਮੈਂ ਘਰ ਸਜਾਉਣ ਲਈ ਲਾਈਆਂ ਲੜੀਆਂ...

2014

Comments

Post a Comment

Popular Posts