ਉਹ ਸੁਣਾਈ ਕਹਾਣੀ ,ਕਵਿਤਾ

ਉਹ ਸੁਣਾਈ ਸੀ ਕਹਾਣੀ ਕਿਸ ਲਈ?
ਅੱਜ ਯਾਦ ਆਈ ਸੀ ਪੁਰਾਣੀ ਕਿਸ ਲਈ??

ਕੀ ਕਿਹਾ ਮੇਰੇ ਨਾਲ ਮੁਹੱਬਤ
ਹੈ ਨਹੀਂ?
ਪਿਆਰ ਦੀ ਦਿੱਤੀ ਨਿਸ਼ਾਨੀ ਕਿਸ ਲਈ??

ਬੱਸ ਕਿਤਾਬਾਂ ਵਿੱਚ ਵਫ਼ਾ ਹੈ ਅੱਜ-ਕੱਲ੍ਹ
ਰਸਮ ਫ਼ੇਰ ਝੂਠੀ ਨਿਭਾਈ ਕਿਸ ਲਈ??

ਖ਼ਤਮ ਹੀ ਰਿਸ਼ਤਾ ਅਗਰ ਹੋ ਗਿਆ ਜਦ,
ਗੱਲ ਦਿਲ ਦੀ ਹੁਣ ਜਤਾਣੀ
ਕਿਸ ਲਈ??

ਹਾਲੇ ਦਿਲ ਤੈਨੂੰ ਦੱਸਿਆ ਮੇਰੀ ਭੁੱਲ ਸੀ,
ਏਹ ਖ਼ਬਰ ਤੈਨੂੰ ਸੁਣਾਨੀ ਕਿਸ ਲਈ??



ਕੱਟਦੀ ਰਹੀ
ਸਾਰੀ ਉਮਰ ਜ਼ਿੰਦਗ਼ੀ ਨੂੰ
ਕੈਦ ਸਮਝ ਕੇ
ਅਤੇ ਪੁੱਛਦੀ ਰਹੀ
ਹਰ ਕਿਸੇ ਨੂੰ
ਕਿ ਮੇਰਾ ਗੁਨਾਹ ਕੀ ਹੈ ?



ਜ਼ਖਮ ਮੇਰੇ ਜਿਸਮ ਦੇ
ਭਰੇ ਨੇ ਵਕਤ ਨੇ
ਪਰ ਰੂਹ ‘ਤੇ ਦਰਦ ਦੀ
ਛਾਪ ਅਜੇ ਹੈ ਬਾਕੀ

ਬਿਖ਼ਰ ਗਈ ਸੀ
ਭਾਵੇਂ ਸੁੱਕੇ ਫੁੱਲ ਵਾਂਗ
ਕੋਈ ਆਣ ਖਿਡਾਏਗਾ
ਆਸ ਅਜੇ ਹੈ ਬਾਕੀ

ਭਾਵੇਂ ਕਰ ਦਿੱਤੀ
ਜ਼ੁਰਮ ਨੇ ਇੰਤਹਾ
ਇਨਸਾਫ਼ ਤੋਂ ਸਿਸਕਦੀ
ਆਸ ਅਜੇ ਹੈ ਬਾਕੀ....